به‌  بۆنه‌ی به‌ستنی کۆنگره‌ی دووهه‌می بزوتنه‌وه‌ی دیموکراتیکی یارسان پیرۆزباییه‌کی گه‌رم له‌ ناخی دڵمه‌وه‌ ئاراسته‌ی سه‌رجه‌م هاویارانی تێکۆشه‌ری بزوتنه‌وه‌که‌تان ئه‌که‌م و ده‌ستی هه‌مو هاوێانی هه‌لبژێردراوی کومیته‌ی ناوندی ئه‌گۆشم و هیوای سه‌رکه‌وتنتان بۆ ئه‌خوازم. 

بێ گومان به‌ستنی ئه‌م کۆنگره‌یه‌ له‌ ڕۆژانی سه‌ختی دوور له‌ وڵات و په‌رش و به‌ڵاوی ئه‌ندامانیه‌وه‌ که‌ دابه‌شن به‌ سه‌ر زۆربه‌ی ووڵاتانی جیهاندا خوی له‌ خویدا مانایه‌کی زۆر قوڵ و به‌ نرخ ئه‌گه‌ینی، ئه‌ویش ئه‌وه‌یه‌ که‌ یارسان نه‌ ته‌نها خاوه‌نی ئایینیکی ڕه‌سه‌نی کوردیه‌، که‌ سه‌ده‌ها ساڵه‌ پابه‌ندیه‌تی، به‌ڵکو بزوتنه‌وه‌که‌شی رۆڵێکی یه‌کجار گرنگ و کاریگه‌ر ئه‌بینن له‌ ژیانی ڕۆژانه‌ی خه‌ڵکی کورد و بزوتنه‌وه‌ی ئازادیخوازی گه‌لی کوردستان. دوباره‌ و سه‌دباره‌ پیرۆزبایی له‌ خوه‌م و گه‌له‌که‌م ئه‌که‌م به‌ بۆنه‌ی به‌ستنی ئه‌م کونگره‌یه‌ به‌ سه‌رکه‌وتویی و هیواشم ئه‌وه‌یه‌ که‌ بتوانن له‌ ئایه‌نده‌یه‌کی زۆر نزیک شاد به‌ خاک و نیشتمانه‌ ئازیزه‌که‌ی خوه‌تاندا ببنه‌وه‌ و رۆلێکی گه‌وره‌تر ببینن له‌ دروسکردنی ووڵاتیکی ئازاد که‌ تیادا مافی مرۆو و مافی چاره‌ی خۆنوسین پاریزرا بێت که‌ بیگۆمان دیموکراتی سه‌رچاوه‌ی هه‌مویه‌تی.

سه‌رکه‌وتو بن و هه‌میشه‌ بۆ پێشه‌وه‌!

سامان خانه‌قینی. ‏12/05‏/2008